Studju Post-Sekondarju barra minn Malta
L-Onor. Ministru għall-Edukazzjoni u x-Xogħol awtorizza
l-Uffiċċju tal-Għotjiet ta’ Manteniment lill-Istudenti biex jibdew jaċċettaw
applikazzjonijiet onlajn għall-Għotjiet ta’ Manteniment lill-Istudenti mingħand
studenti minn Malta li jmorru jistudjaw ġewwa istituzzjoni edukattiva barra
minn Malta.
Dawn l-applikazzjonijiet, li se jintlaqgħu u
se li jiġu proċessati bl-istess mod bħalma jiġu proċessati l-applikazzjonijiet
onlajn l-oħra, se jirċievu approvazzjoni mingħand l-Onor. Ministru.
Il-kriterji skont l-A.L.308 tal-2016
li jirrigwarda l-eliġibbita’ tal-istudenti għall-Għotjiet ta’ Manteniment
lill-Istudenti japplikaw f’kull każ.
L-applikazzjoni onlajn għall-Għotjiet
ta’ Manteniment lill-Istudenti tinsab fil-ħolqa https://studentgrants.gov.mt/login. Studenti ġodda għandhom jimxu
mal-istruzzjonijiet onlajn dwar kif għandek tapplika għal-Għotjiet ta’
Manteniment lill-Istudenti.
Studenti li għadhom m’għalqux 16-il sena
għandhom bżonn formola ta’ kunsens. Din
timtela mill-ġenitur/i jew gwardjani legali tal-istudent/a, u trid tittella’
fl-applikazzjoni onlajn.
l-formola ta’ kunsens tistgħu issibuha hawn:
http://education.gov.mt/en/Pages/SMGBStipends/SMGB-Under-16.aspx
Fl-applikazzjoni onlajn, l-applikanti
għandhom idaħħlu d-dettaji dwar il-kors ta’ studju tagħhom. Fil-lista tal-għażliet, l-istudenti għandhom
jagħżlu bejn Commencing their course of
studies jew Promoted in their course,
skont jekk humiex qegħdin jibdew il-kors jew ikompluh. Għandhom ukoll jindikaw is-sena ta’ studju
permezz tan-numru fejn jintalbu jagħżlu s-sena.
Imbagħad għandhom jagħżlu United
World College/ Foreign Post Secondary Institutions meta jintalbu jagħżlu
l-isem tal-istituzzjoni edukattiva, u International Baccalaureate / European
Baccalaureate fl-isem tal-kors ta’ studju.
Fl-applikazzjoni onlajn, flimkien ma’
Ċertifikat ta’ Tmiem l-Iskola Sekondarja, l-istudenti għandhom itellgħu
dokument bħala prova tal-attendenza f’dik l-istituzzjoni.
L-ebda
applikazzjoni ma tiġi
ipproċessata
wara t-30 ta’ Ġunju.